Þegar janúarsorpið var vigtað 31. janúar sl. kom fram að allt óendurvinnanlegt sorp heimilisins vóg 270 grömm (sem sagt sá hluti sorpsins sem fer í landfyllingu eða brennslu). Okkur fannst forvitnilegt að rannsaka aðeins hvaða hluti mátti finna í þessum ruslflokki…🧐
Um leið var gaman að velta fyrir sér hvað við gætum gert betur og það með auðveldum hætti:
- Velja sölustaði þar sem vigtunarlímmiðar á ávexti og grænmeti eru ekki brúkaðir.
- Nota þurrkarann sjaldnar.
- Gæta þess að kaupa tannbursta með hár sem setja má í lífrænt sorp – og vera með það alveg á hreinu þegar burstunum er fleygt.
Hverju er fleygt í ruslið?
(*Í dag notum við tannþráð úr silki og hann fer í lífræna sarpinn eftir notkun. Af og til grípum við þó í plasttannþráðinn í gömlu dollunni sem við eigum enn inni í skáp, hún klárast þannig smám saman. Eftir notkun er þræðinum svo hent í óendurvinnanlega sorpið, sbr. sá sem sést á myndinni.
Varðandi tannburstahausana þá var óljóst úr hverju hárin voru gerð en til að vera örugg var hausunum fleygt í óendurvinnanlega sorpið.)
