Isspiss, það ætti nú að vera skítlétt að gera umhverfisvænni skóinnkaup en það, án þess að það komi mikið niður á flottheitum og stíl. Það þarf heldur ekki að kosta mikinn grát og gnístran tanna; það er glettilega auðvelt að fá börnin með á hið vistvæna band ef maður útskýrir fyrir þeim stöðu mála.

Vissulega má gefa svona skóm framhaldslíf í gegnum hjálparsamtök. Það breytir því ekki að þeir verða að rusli þótt síðar verði – og þá mun óvistvænna en það þyrfti að vera í raun og veru.