Á mánudaginn steiktum við þorsk sem var reiddur fram upp á klassíska mátann, þ.e. með kartöflum, steiktum lauk, gúrku og kokteilsósuafbrigði úr sýrðum rjóma og tómatsósu.
Hráefni í umbúðum: Tómatsósa, sýrður rjómi, pipar og smjör til steikingar.
Hráefni án umbúða: Fiskur, kartöflur, laukur, gúrka, egg (beint frá bónda), raspur (heimagerður úr hörðu brauði) og salt (úr áfyllingarbúð).
(Undanfarið ár höfum við minnkað neyslu kjöts og dýraafurða til muna og farið að prófa okkur aðeins áfram í ljúffengum grænmetis- og veganréttum. Við höldum þó enn í þá reglu að vera með fisk a.m.k. einu sinni í viku.)
